القصة الكاملة للمتسبب في حبس وتهديد اللاعب الراحل احمد رفعت

محمود مرسي

في البداية وقتما كان احد المسئولين داخل رابطة الأندية رئيسا لنادي فيوتشر، كان الفريق  يستعد لخوض مباراة خارج القاهرة في بطولة كاس الكونفدرالية وكان أحمد رفعت، خلال هذة الفترة على قوة التجنيد ولكن المسئول طلب من أحمد رفعت إنه يسافر مع الفريق وقاله بالنص “متقلقش انا هظبط الدنيا مع المسؤولين” وفعلا أحمد رفعت سافر مع الفريق وخاض المباراة وتم القبض عليه في المطار اثناء العودة للقاهرة واتحبس 6 شهور بتهمة التهرب من أداء الخدمة ودي الفترة إللي أحمد رفعت افصح عنها لاحد الإعلامين في البرامج انه مش هينفع اقولك كنت فين وبعمل ايه.

بعدما خرج أحمد رفعت بعد قضاء المدة طلب من المسئول الحصول علي مستحقاته خلال الفترة دي خصوصا أنه اتحبس بسبب هذا المسئول لأنه طلب منه يسافر وهيحل المشكلة لو حصلت حاجة لكنه ورطه وحبسوا، لكن هذا المسئول رفض وحصلت مشادة وتهديد واضح من قبل أحد المسئولين الكبار برابطة الاندية لرفعت وقاله بالنص “لو اتكلمت في القصة دي تاني هبطلك كورة” لذلك التزم اللاعب الصمت ورفض كشف المتورط في نفسيته اللي تسببت في وفاته.